تُفنگ وُ گُرز سُهر تُخم تِیامُون
اِیما گُویل وا اصل وُ تََواریم
یَه تن هِیدیم یکیمون صَد هزاریم
بِه خار ستون دنیا دل نداریم
همه ساده؛ صمیمی چِی بهاریم
تفنگ و گُرز سُهر تخمِ تیِامُون
همه ساده؛ صمیمی چِی بهاریم
اَیرکِه زِین اَسبِی اُفتِه وُرهاک
وِه گل سُهر قَسم حَرس نِیکُنیم پاک
سِی اَسب بِی سَوار کُتل اِسازِیم
وِه ساز چَپ، وِه مافِگهِ اِبازیم
بَلیط دَشتگُل هَم سایه سَرمُون
گِل جا مَشک هِد دَرمُوِ دَردمُون
وِه جــا وار خُمــون دُنیــا بُهــارِه
بُهــــون شــه تَــوِ بارون داره
جدا هِیچ نِیبُوئِیم زِه اَصل و سِیرت
شَوتار اِشکنیم وا گـُرزِ غِیرت
بِه تِیگِ هَفت وُ چار داغِ یَه مُهرِه
اِگُون کِه قِبلِمُونِ، گِلِ سُهرهِ
رَهِ ظُلمَــت زِ اِیــلِ ما جُداِیــه
بِه مَذهب مُون عَلی شِیر خُدایِه
هَمه واهَمتبارُ وُ هَم عَقیدِیِم
زِه فَرهنگ خُمُون بِهتر نَدیِدِیم